काठमाण्डौ – गएको दुई महिनामा मलेसियाबाट ३१ हजार २०१ नेपाली कामदारको माग आएको छ ।


ADVERTISEMENT


गएको अक्टोबर र नोभेम्बरमा ३१ हजार २ सय १ नेपाली कामदारको मागपत्र प्रमाणिकरण गरिएको मलेसियामा रहेको नेपाली दूतावासले जनाएको छ । स्वास्थ्य परीक्षण लगायत विभिन्न बहानामा मलेसिया जाने कामदार ठगीमा परेको भन्दै सरकारले २०७५ जेठ २ गतेदेखि झण्डै १५ महिना मलेसियाको रोजगारी बन्द गरेको थियो ।


ADVERTISEMENT

# # #


गएको वर्ष कात्तिक १२ गते नेपाली श्रमिकको सुरक्षाको प्रत्याभूत हुनेगरी दुई देशबीच श्रम समझदारी भएको थियो । नयाँ श्रम समझदारी अनुसार गएको भदौ २९ गतेदेखि मलेसियाको रोजगारी खुलेसँगै मलेसियाका रोजगारदाता कम्पनीले गरेको नेपाली कामदारको माग दूतावासले प्रमाणीकरण गरेको हो ।

मलेसियाको अौद्यौगिक क्षेत्रबाट सबैभन्दा धेरै कामदारको माग आएको छ । औद्योगिक क्षेत्रको कामका लागि १७ हजार १ सय १६ जना कामदारका लागि दूतवासले मागपत्र प्रमाणीकरण गरेको छ ।

सेक्यूरिटी गार्डसहित सेवा क्षेत्रका लागि १० हजार १ सय ८३, कृषि क्षेत्रका लागि १ हजार ४ सय ७५, प्लान्टेसनका लागि १ हजार ३ सय ९७ तथा निर्माण क्षेत्रका लागि १ हजार ३० कामदारको मागपत्र प्रमाणिकरण गरिएको दूतावासले जनाएको छ ।